MUDUSO og pormal nga petisyon ang Association of Progressive Labor sa Socsargen alang sa wage hike sa mga trabahante sa region-12 ngadto sa
RTWPB.
Kini ang gikumpirma ni Herbert Demos, labaw sa maong labor group human sa konsultasyon niadtong Huwebes alang sa planong usbaw sa suhulan sa mga trabahante.
Apan dili pa kadto maoy pagtuki sa planong wage hike sa minimum nga suhulan apan konsultasyon mao nga muduso kini og petisyon.
Gipamugos ni Demos nga dili angayang gamitong rason ang pandemic tungod aron dili magpausbaw sa sweldo tungod dili tanang negosyo ang nalugi, adunay nilambo nga negosyo luyo sa pandemya.
Hangyo na lamang niini nga paminawan unta sa gihangyo nga usbaw sa sweldo ang bahin sa mga trabahante nga hilabihan nga apektado sa pandemya ug anam anam na usab nakabawi ang ubang negosyo. Ang kasamtangang minimum wage sa region-12 anaa sa P336 kada adlaw nga ulahing miusbaw kaniadtong tuig 2000 ug napatuman niadtong miaging tuig nga kulang kaayo labaw na karon nga mitaas ang presyo sa halos tanan, gikan sa fuel, bugas, karne ug uban pang palaliton.
