Madinalag-on ang pinakauna nga selebrasyon sang “Panginhas Festival 2023” sa Barangay Buntod, Panay, Capiz.
Sa interview sang Brigada News FM Roxas City kay Punong Barangay Felipe Base, ginpahayag sini nga ini ang labing una nga natabo sa ila barangay nga nagpatigayon sang nasambit nga festival.
Suno pa kay Base, katuyuan sang sini nga selebrasyon nga ipakilala ang ila barangay kag ang ila source sang palangitan-an amo ang mga panginason.
Nahibaluan nga ang Brgy. Buntod ang katapusan nga barangay sa banwa sang Panay.
Dugang pa ni Kapitan, natuman ang ila handom nga festival bangud man sa kooperasyon sang iya mga pumuluyo kag ang tagsa ka fisher folk ang nag-amot sang tig-1 ka sako nga panginason kag amo ini ang ila gindisplay sa unlimited seafoods.
Makita diri ang mga nagatimbuok nga alimango, pasayan, talaba, tahong, bagongon, litob, isda kag madamo sang iban pa. Nagtambong sa nasambit nga selebrasyon sanday Vice Gov. Jaime (Mitang) Magbanua, BM Sonny Besa, BM Paulo Besa, kag SB Member Julius Asis. | Judy Ann Juare
