Dumating na sa bansa kaninang pasado alas dyes ng umaga ang labi ni Marjorette Garcia, ang Pinay OFW na pinatay sa Saudi Arabia.
Mismong si Department of Migrant Workers o DMW OIC Hans Leo Cacdac ang sumama sa pamilya ni Garcia para kunin ang labi nito at iuwi sa kanilang probinsya sa Pangasinan.
2021 nang magtungo si Marjorette sa Saudi Arabia para mag trabaho, nitong huling linggo nang Setyembre nang mangyari ang karumal-dumal na krimen.
Sa huling update ng Foreign Affairs, kasama ni Marjorette sa trabaho ang suspek na isang African national.
