LEGAZPI CITY – Maabot sa 4,560 an total na paraoma hale sa apat (4) na probinsya sa rehiyon kan Bicol an mabenepisyar sa 71 Solar Irrigation Projects na ipapautob sa nasambit na rehiyon.
Ini an sinabi ni National Irrigation Administration (NIA) Bicol General Manager Gaudencio de Vera, kan sa press conference kan nakalihis sanang aldaw.
Segun kay De Vera an solar projects, nagkakantidad nin P1.5 bilyon sa 1, 810 ektarya sa Albay, Sorsogon, Camarines Sur asin Camarines Norte.
Prayoridad kan nasambit na proyekto an mga rain-fed areas o ang mga lugar na warang existing irrigation. Dahil sa proyektong ini, laoman na subuot na magkakaigwa nin tubig sa panahon kan dry season sa mga omahan.
Sinabi pa ni De Vera na oras na matapos an proyekto, target nindang magin operational na an solar projects sa mga nasambit na probinsya, kun sain pwedesir na maduganganpa an kita kan mga ini na pwedesir subuot umabot sa P140M.
