LEGAZPI CITY – Puminakol sa labi 30,000 katawo an ruminuso kasuudma sa manlain-lain na mga resorts sa Bicol Region.
Basado ini sa datos kan Philippine Coast Guard (PCG) Bicol, kun sain nanutaran ini sa laog nin walong oras puon alas 6 nin pagkaaga hasta alas 2 nin pagkahapon.
Katakod kaini, nasa labi 5,000 na mga pasahero an uminagi sa mga pantalan kan rehiyon.
Sa kaparehong datos, nasa labi 3,000 an nairehistro kasuudma na mga outbound passengers, mantang kabi 2,000 naman na mga inbound passengers.
Uminabot man sa labi 400 an mga tinaltag na PCG personnel; nasa 19 an floating assets asin 44 naman an mga nairekord na inspected vehicles o motorbangka.
