GISAAD sa labaw sa kapulisan sa Gensan nga magamit sa husto ang mga bag-ong unit sa motorsiklo nga gihatag kanila sa LGU-GenSan.
Malipayon si City PNP Director PCol. Nicomedes Olaivar Jr. human ilang nadawat ang 60 ka mga motorsiklo gikan sa lokal nga panggamhanan sa GenSan.
Magamit daw kini sa ilang pagpatrolya sa downtown area, bisan pa sa mga kabukiran gumikan 150 CC ang mga makina sa mga motorsiklo.
Samtang daan na usab daw ang nauna nga gihatag kanila sa nangagi nga adminisitrasyon.
Tungod niini gipaabot ni Olaivar ang pasalAmat ngadto kay Mayor Lorelie Pacquiao.
Subay sa datus gikan sa Bids and Awards Committee ang matag unit sa motorsiklo nagkantidad og P169.000 ug anaa sa kinatibuk-ang P10.1 million, samtang ang naaprubahang pondo anaa sa P10.2 million. I Ver Diazon
