GIKATAKDANG magretiro na sa pagserbisyo sa gobyerno ang usa ka department head sa LGU Gensan nga nakaserbisyo sa sulod sa 42 ka katuigan sa mga katawhan sa General Santos City mao nga makadawat kini og service award.
Sa paghinabi sa 89.5 Brigada News FM Gensan kay Rebecca Magante sumala niini nga malipayon sya nga magretiro na sa serbisyo publiko pinaagi sa opisina sa Department of Social Welfare and Development Office kon DSWD unya nakuha sa LGU Gensan.
Sumala kay Magante nga ang nigawas sa social media teaser pa lang sa awarding nga ipahigayon nga virtual sunod bulan.
Gipaabot niini ang iyang pasalamat sa mga opisyal ug sa katawhan sa Gensan nga iyang nahimamat ug gi-alagaran, managlahi daw nga administrasyon ang iyang na-agian hangtud niining panahuna nga adunay pandemya.
Gidugang ni Magante nga karon ang adunay dakung hagit gumikan sa pagtumaw sa COVID-19 Virus ug nanginahanglan ang katawhan og ayuda gikan sa gobyerno.
Samtang wala usab niini gipadaplin ang plano nga ipadayon ang iyang handum sa public service pinaagi sa pagsalmot sa piniliay kon itugot daw sa balaud maka-substitute kini aron maapil sa mga kandidato sa 2022 election. ( Ver Diazon)
