MAY pagtaas sa presyo basic necessities ug prime commodities sa GenSan ug may mikunhod usab.
Kini ang gibutyag ni Marvin Genita, ang officer-in charge sa Department of Trade and Industry o DTI-GenSan, subay sa ilang latest price monitoring.
Ang DTI gitahasan sa pag-monitor sa presyo sa basic necessities ug prime commodities sa matag adlaw ug gapagawas og report sa matag adlawng Biyernes kada semana.
Sa basic necessities, adunay minimal increase nga 20 centavos hangtud sa hangtud P2.90 sama sa canned sardines tungod usab sa pagmahal sa raw materials lakip na tungod sa pagtaas sa presyo sa lana.
Samtang may mikunhod usab nga presyo sa basic necessities nga nag-rangke sa P1.20 hangtud P1.35 asa lakip dinhi ang distilled water ug 3 and 1 coffee.
Sa prime commodities, gibutyag ni Genita nga may minimal usab nga increase, nga anaa sa 15 centavos hangtud P3 asa kini mao ang beef loaf ug nagkunhod usab og gamay sa prime commodities ang presyo sa condiments ug toilet soaps.
Sa karon, awhag na lamang ni Genita sa mga consumers nga mahimong mabinantayon sa presyo sa ilang ginapalit ug kung sobra na ka taas ang presyo nga gidugang, kini ang i-report kanila aron maimbestigahan.
