La Niña Preparedness Plan, Ginapasumiter na sa 32 ka mga LGU sa Negros Occidental

Daina E. Gerona

Ginapasumiter na sang Provincial Disaster Management Program Division (PDMPD) ang 32 ka mga lokal nga gobyerno ukon Local Governemnt Unit (LGU) sa probinsiya sang Negros Occidental sang tagsa ka mga preparedness plan para sa La Niña Phenomenon.

Katuyuan sini amo agud nga ma preparahan ang posible nga epekto nga dala sang phenomenon ilabi na sa mga lugar nga prone sa pagbaha kag landslide ukon pagkatiphag sang duta.

Palayag ni PDMPD head, Irene Bel Plotemia, nga sa karon naka-preparar naman ang tanan nga mga resources mga kinahanglanon sa pala-abuton nga pagtupa sang malawig ukon tayuyon nga pag-ulan.

Suno pa sa iya nga sa karon, ang mabatyagan nga pag-ulan amo ang dala pa lamang sang rainy season kag localized thunderstorm.

Base naman sa report sang Philippine Atmospheric, Geophysical and Astronomical Services Administration (PAGASA) nga, may yara pa sang pagkambyu halin sa neutral pakadto sa La Niña karon nga bulan sang Hulyo tubtob bulan sang Septyembre.

Sa monitoring pa sang PAGASA nga sa katapusan pa nga bahin sang tuig 2024 mabatyagan ang La Niña.

Leave a Reply

Your email address will not be published. Required fields are marked *