Isiniwalat ng singer na si Kyla na sa ikatlong pagkakataon ay nakaranas ito ng miscarriage.
Sa Instagram post ni Kyla ay ibinahagi niya ang isang black and white photo na nagpapakita sa baby bump niya kasama ang kaniyang lalaking anak na si Toby.
Sinabi ni Kyla sa caption, “My heart is broken in levels deeper than you may ever have imagined. Our little angel, please watch over me, your Daddy, and Kuya Toby,”
Dagdag ni Kyla, “Send our hugs and kisses to your 2 siblings in heaven. We love you, our Millie,”
Agad naman nagpaabot ng dasal at suporta ang mga kapwa singers ni Kyla kabilang na sina Rachelle Ann Go, Kyla, at Mark Bautista.
Matatandaan na winelcome ni Kyla at ng asawa niya na si Rich Alvarez ang panganay nila noong 2013, at nasundan naman ito ng dalawang miscarriages noong 2018.
