Partially burned ang kusina sang balay sang isa ka manunudlo matapos ang nagluntad nga sunog sa Arnaldo Blvd, Brgy. Baybay, Roxas City takna alas 8:47 kagab-i sang Lunes, Disyembre 18.
Ginkilala ang tag-iya sang balay kay alyas Ferdz, 60-anyos, residente sang nasambit nga lugar.
Sandig sa impormasyon nagikan sa Roxas Component City Police Station, samtang nagaluto si alyas Ferdz, ginapahayag nga nag-leaked ang ila gasul tank rason nga hinali nalang naglapta ang kalayo nga nagresulta sa pagkasunog sang ila kusina.
Gilayon naman nga nagresponde sa lugar ang katapo sang bumbero apang na fire-out na sang tagbalay ang kalayo.
Ginabanta nga nagdangat sa P4,000 ang nangin kahalitan sang sunog. Maswerte naman nga wala sang may napilasan sa nasambit nga insidente. | Judy Ann Juare
