CEBU CITY- Nikunhod ug 37.50 percent ang index crimes sa Central Visayas base sa datos nga gipagawas sa Police Regional Office-7.
Nasayran nga gikan sa Hulyo 17 hangtud sa 24, 2023 ang kapolisan sa Central Visayas nakatala og 64 index crimes.
Apan gikan Hulyo 24 hangtud sa 30 ning tuiga, anaa nalang sa 40 ang natala nga index crimes sa rehiyon.
Nalakip sa index crimes mao ang murder, homicide, physical injury rape, carnapping/carjacking ug cattle rustling.
Matud ni Police Lieutenant Colonel Gerard Ace Pelare, tigpamaba sa PRO-7 nga ang mga nahitabong krimen sama sa pagpamusil ilabi na sa siyudad ug probinsiya sa Sugbo maoy gitutokan ug maayu sa kapulisan.
Nanawagan usab kini sa publiko nga padayon nga mo-kooperar sa kapolisan aron magpabiling hapsay ug malinawon ang Central Visayas.//
