KORONADAL CITY – TIMBOG sa isinagawang drug buy-bust operation ng PDEA 12 South Cotabato Provincial Office ang isang miyembro ng Koronadal City Traffic Enforcer pasado ala 1:00 ng hapon kahapon sa may bahagi ng Purok Mangga, Barangay Zone 1, Koronadal City.
Kinilala ng mga ahente ng PDEA ang nahuling suspek kay Jomar Sumagaysay, alyas “Tati”, 42 anyos may asawa, isang High Value Target at residente ng Barangay GPS nitong ungsod. Narekober sa pag-iingat nito ang limang pakete ng hinihinalang shabu na nagkakahalaga ng 20,500.00 pesos, cellphone at buy-bust money.
Ayon kay Director Aileen Lovitos ng PDEA ROXII ang suspek ay mahaharap sa paglabag sa Section 5 at 11 ng Article II, RA 9165 o Comprehensive Dangerous Drugs Act of 2002, kung saan ito ay nasa detention facility ng PDEA Region 12 para sa tamang disposisyon.
