KORONADAL CITY — PATULOY ang paghihigpit ng Koronadal laban sa avian influenza o bird flu.
Sa panayam ng Brigada News FM Koronadal kay Dr. Charlemagne Calo, city veterinarian ng lungsod sinabi nito na naka-alerto ang kanilang mga checkpoints na nagbabawal sa pagpasok sa lungsod ng mga poultry products at poultry animals na walang kaukulang dokumento.
Kasabay nito, tuloy din umano ang kanilang blood sampling sa mga poultry farms sa lungsod lalo na sa mga nag-aalaga ng bibe.
Hiling na lamang nito sa mga magbi-bibe na baguhin na ang farming style at huwag nang ibiyahe ang mga ito upang maka-iwas sa nakakahawa at nakakamatay na bird flu.
