Darating sa bansa sa susunod na linggo ang Presidente ng Korea na si Yoon Suk Yeol para sa isang araw na state visit sa Pilipinas kasunod ng naging imbitasyon sa kanya ni Pangulong Bongbong Marcos.
Sasalubungin si Yoon sa October 7 sa Palasyo ng Malacañang nina Pangulong Marcos at First Lady Liza Araneta Marcos.
Ang pagbisita ng Presidente ng Korea ay bahagi ng ika-75 anibersaryo ng diplomatic ties ng Pilipinas at Korea na nagsimula noong Marso 1949.
Inaasahang magkakaroon ng bilateral meeting ang dalawang lider upang talakayin ang mga isyung pang-ekonomiya, depensa, pulitika, maritime, economic and development fields, people-to-people ties, gayundin ang labor at consular matters.
Ito ang unang bilateral visit ng isang pangulo ng Korea sa Pilipinas mula noong 2011.
