Haom ro gobyerno it Republic of Korea nga magta-o it financial support ag loan assistance para sa engineering services it inter-island bridges project it Department of Public Works and Highways (DPWH) sa Western Visayas.
Kung matigayon nga ma-construct ro nasambitan nga imprastraktura, raya hay magiging pinakamahaba nga tulay sa kabieogan nga rehiyon. Kaangut dikara, mas magiging madali man ro pagbyahe it mga tawo, goods, ag services sa maeain-eain nga bahin sa isla it Panay.
Ginpirmahan ku nagtaliwan nga adlaw ro minutes of discussion kaangut sa financial support ag loan assistance nanday DPWH Undersecretary for Unified Management Office Operations (UPMO) Emil K. Sadain ag Country Director Jae-jeong Moon halin sa Manila Representative Office of the Korea Export-Import (KEXIM) Bank discussion./JIL B. LACSON
