Nilinaw ni Kalayaan OIC- Municipal Information Officer Ariel Carlos ang isyu kaugnay sa mga tumigas na semento sa munisipyo.
Ayon rito, base sa ulat ng Municipal Engineering ay humigit kumulang sampung sako lamang ng semento ang nakumpirmang tumigas at hindi lahat ng sako na nakita sa video.
Sinabi pa nito na hinihintay pa kasi ng engineering office ang ibang materyales na kasama nito galing sa supplier na pinondohan ng 12 milyong piso.
Kaugnay nito, titiyakin umano ng Lokal na Pamahalaan na maayos ang kalagayan ng mga materyales sa isla habang hindi pa naipapamahagi.
Samantala, agad itong ipamimigay sa tinatayang 50 pamilya kapag nakumpleto na sa lalong madaling panahon.
