LEGAZPI CITY – Tinawan-doon kan Philippine Health Insurance Corporation (PhilHealth) an saindang programang Konsultasyong Sulit at Tama (KonSulTa) package na para sa mga senior citizens kan Camalig.
Obheto kan oryentasyon na ini na maipaaram sa nasambit na sektor an nakapalaog sa programa siring kan pagsisyerto na mapamarhay an salud kan mga miyembros kaini sa paagi kan pagtatao nin package nganing maaraman tulos kun igwa nin helang.
Ipinaaram man sainda an laog kan package na iyo an libreng initial asin follow-up consultations, laboratory tests, health risk screening and assessment, asin maintenance drugs and medicines.
Sa ngunyan, pig eenganyar kan nasambitrang ahensya na magparehistro sa programa huli ta dakola an magigin katabangan kaini.