PERSONAL nga miapela si Councilor ug Majority Floor Leader Jose Edmar Yumang ngadto sa iyang mga kaubanan sa 20th Sangunian nga motutok lang una sa Executive-Legislative Agenda (ELA) ilabina na ang may kalabotan sa mission ug vision ni Mayor Lorelie Paqauio.
Segon niini nga pinaagi sa maong lakang mahimong maarang-arang ang mga ordinansa nga alang sa mga katawhan sa dakbayan.
Kini ang gihimo nga lakang sa konsehal atol sa ilang ikapito nga regular session dungan sa pamahayag nga pila sa iyang mga kaubanan ang nakapokus sa paghatag og komendasyon hinungdan nga ginahangyo niini nga minosan lang una ang paghatag niini.
Hinuon gibutyag sa konsehal nga sa kasamtangan may ginaplano na kini nga kabag-ohan sa ilang Internal Rules and Procedure (IRP) nga ang paghatag og komendasyon ang ipahigayon pagkahuman sa 2nd reading aron nga dili makakunsumo og taas nga oras.
Ang nahisgotan nga manipestasyon ni Yumang ang giuyonan usab sa duha nga mga kaubanan niini nga silang Kagawad Lourdes Casabuena ug Atty Kan Balleque nga maoy mipadayag sa ilang tingog kalabot sa maong hisgotanan. I Danny Casi
