Pasado na sa 3rd at final reading ng Sangguniang Panlungsod ang pag-amyenda sa Section 5 ng City Ordinance No. 1043 na pinapayagan ang mga tricycle na dumaan sa ilang bahagi ng National Highway sa lungsod.
Base sa inamyendahang probisyon ay idinagdag na papayagan ang pagdaan o pagtawid ng mga tricycle sa bahagi ng National highway ng Barangay San Miguel upang magbigay daan sa paghahatid ng mga pasahero papasok sa Puerto Princesa International Airport.
Partikular na pinapayagan ay ang mga tricycle na manggagaling sa MP road, tatawid sa highway upang makapasok sa airport o maaaring dumaan sa San Juan Road at vice versa.
Ayon sa Chairman ng Committee on Transportation na si Konsehal Nesario Awat, nasa kamay na ng ito ni Mayor Lucilo Bayron para pirmahan upang maipatupad.
