Bangud sa padayun nga pagtaas it kaso it dengue, nakipag-pueong si Iloilo Governor Arthur Defensor Jr., sa Provincial Civil Defense Cluster ku Agosto 2, agud maghimo it komprehensibong plano agud sukean ro padayun nga peligro it sakit nga daea it namok.
Gin-insister ni Governor Defensor nga sa madaling panahon hay dapat mataw-an it aksyon ro sitwasyun ag ginpasiguro nga ro gobyerno probinsyal hay mausoy it paagi agud nga insigida nga makabulig sa publiko partikular sa nasambit nga health concern.
Nasayuran nga base sa datus halin sa Regional Epidemiology and Surveillance Unit (RESU) nga gin-report it Provincial Health Office, nagapakita nga ro probinsya it Iloilo hay may kabilugan nga 3,174 dengue cases ag an-um ro namatay halin sa January 1 to July 27, 2024. // ANN DESLENE SALAZAR
