GI APRUBAHAN sa komitiba sa Gender, Women, Family and Childrens Welfare and Population Management ang sugyot balaudnon nga ma libre sa service fees ug legal fees ang mga solo parents sa General Santos City.
Atol sa usa ka konsultasyon nga gipatawag sa pagpanguna sa Chairperson sa Committee nga si Kagawad Lourdes Casabuena, tinambungan sa ubang membro ug Ex-Officio sa Committee usa niini si Atty Kan Balleque, Gisaad ni Konsehal Balleque nga iyang lebrihon sa notaryo ang mga solo parents.
Sumala kay ni Kan palangga sa Ginoo ang mga solo parents, kinahanglan magpabilin sila nga maanyag, iyang tabangan nga makakita og partner unya dili magpabaya sa ilang mga katungod.
Tungod niini giduso ni Konsehal Elizabeth Bagonoc ang sugyot nga ordinansa nga ma libre ang mga nahisgotan sa service fees ug legal fees, ang sugyot gi sigundahan ni Kan ug Konsehal Jane Rivera.
Kahibaluan nga sa unang bahin sa konsultasyon sa mga pangulo sa matag barangay sa Solo Parents Federation gituki ang Expanded Solo Parents Welfare Act.
Nakalatid sa mao nga balaud nasudnon ang daghang mga benipsyo ug prebiliheyo, sa Section 5 ang Comprehensive Package of Social Pretection Services, Section 8. Parental Leave, Section 9, Educational Benefits, Section 13 Breastfeeding in the Workplace, Section 14 Social Safety Assistance.
Sa Section 15 ang Additional Benefits, Pension nga tig P1,000 Pesos matag bulan gikan sa mga munisipyo, syudad pinasubay sa Local Government Code, 10 percent discount ug exemption sa Value Added Tax, Automatic Coverage under National Health Insurance Program,Priority in Hiring Workforce, Priority in Housing Projects. I Ver Diazon
