UBAY ubayng benepisyaryo gikan sa nagkadaiyang barangay sa GenSan ang nakadawat og gikan sa P3,000 hangtud P5,000 isip financial assistance sa mga apektado sa demolisyon, lakip mga biktima sa sunog, persons with disability (PWDs), ug kadtong nagkinahanglan og educational assistance.
Sa opisina ni Mayor Lorelie Pacquiao gitunol ang maong hinabang sa pakig-alayun sa City Social Welfare and Development Office (CSWDO).
Ang maong tabang ang ilalom sa Assistance for Individuals/Families in Crisis Situation (AICS) Program sa the Department of Social Welfare and Development (DSWD).
Ang AICS usa sa mga programa sa DSWD nga nagtumong nga suportahan ang mga pamilya ug mga indibidwal nga nagkinahanglan og tabang tungod sa wala gilaumang sakit, pagkamatay sa miyembro sa pamilya ug uban pang matang sa krisis.
Gipanghinaut na lamang sa mayor ang maong assistance ang makatabang sa mga nahisgutan ug gipasalig nga padayun kining mangita og pamaagi aron makahatag og tabang sa mga manginahanglan nga katawhan sa GenSan.
