Magbibigay ng P20 milyong pabuya ang Kingdom of Jesus Christ (KOJC) sa mga makapagbibigay ng impormasyon kung sino ang nag-donate ng P10 milyong pabuya laban kay Pastor Apollo Quiboloy.
Ayon sa legal counsel ng pastor na si Atty. Israelito Torreon, interesado at handa ang KOJC na harapin ang pribadong tao na ito at kung kanayng ikinagalit kay Quiboloy.
Dagdag pa niya, naghahanap din ng impormasyon ang mga opisyal ng KOJC sa umano’y assassination team na binuo laban kay Quiboloy.
Nang tanungin kung paano nila ibe-verify ang impormasyon tungkol sa plano ng pagpatay, sinabi ni Torreon na ito ay pagdedesisyonan lamang ng mga opisyal ng KOJC.
