Naging matawhay ru Kilos Protesta it pilang ka mga Progresibong Grupo sa Aklan sakasagsagan it selebrasyon it Martial Law kahapon it hapon, Setyembre 21.
Gin paabot si Bayan-Aklan Spokesperson Kim Sin Tugna ru mga hinaing sa gobyerno kontra corruption ag pagkalisod it mga pumueoyo dahil sa kapobrehan.
Gin paabot man ru tuman kataas nga presyot baeak-eonon nga dapat taw-an it attention it Marscos Administration.
Samtang, naging matawhay ru augmentation it Kalibo MPS sa Kilos Protesta it mga progresibong grupo sa kasagsagan it selebrasyon.
Katuyu-an it augmentation it Kalibo MPS nga ma mintina ru peace and order nga sitwasyon sa oras it Kilos Protesta.
Ru police augmentation it mga kapulisan hay gin patuman sa pagpamuno ni PLTCOL Ricky Bontogon , OIC Kalibo MPS ag Civil Disturbance Management Team.
Ru kilos protesta hay gin himo it mga Progresibong Grupo partikualr ru Bayan–Aklan, Anak Bayan ag Bayan Muna sa Pastrana Park, Kalibo.//MARIVIC Y. ILIN
