Dakpan sa AFP-PNP Joint Checkpoint Operations sa Davao City Entry Point sa Brgy Eden, Toril District ang duha ka drug suspects alas 8:42 sa gabii niadtong Lunes.
Ang mga dinakpan nailang sila Jennings Bryan C Lim, 23, ulitawo, ug residente sa Panacan ning syudad ug Reyhannah L Zamora, 24, nga taga- Phase 1 Batolusa, Bangkas Heights, Davao City, nga susamang sakay sa Toyota Vios pasulod sa syudad sa Davao.
Nakuha gikan sa duha ang lima ka pakete sa gituohang shabu nga mutimbang sa kapin kon kulang 26.5 gramos ug gibana-banaan nga dunay street value nga PhP424,000.00; usa ka putos sa gituohang dahoon sa marijuana nga mutimbang sa kapin kon kulang 3.3 grams nga mubalor sa Php. 561.00 ug uban pang drug paraphernalia.
Usa ka oras ang milabay, nadakpan sab sa Entry Point sa Brgy Mahayag ang usa ka Ronald Daaro Gamaya, 35, minyo, nga taga-Tel Aveb St., Dumanlas, Buhangin, sakay sa L300 Van.
Nakuha sa iyang posisyon ang usa ka pakete sa gituohang shabu nga mutimbang og 1.95 grams nga gibana-banaan nga dunay street value nga PhP16,800.00.
Una na sab nga nadakpan sa susamang adlaw sa Lasang Entry Point ang usa ka Albert Dominic Santos Garcia, 47, minyo, nga taga- Block 6, Lot 18, Phase 2-B, Sta. Isabel St., La Verna Hills, Buhangin sakay sa Public Utility Bus poasulod sa syudad.
Diin nakuha sab sa iyang posisyon ang kapin kon kulang 1.41 grams nga mubalort sa Php 22,560.00.
Ang pagkasikop sa mga nahigsutan resulta sa mas gipahugtan pa nga security checks sa tanang entry points sa syudad sa Davao.
