Balhog na sa Panabo Police Station ang usa ka kawatan diin nasikop kini human nga nahulog sa giangkasan nga motorsiklo sa Quilisadio Subdivion, Brgy New. Visayas, Panabo City, Davao del Norte, kagahapong adlawa.
Giila ang suspek nga si Jerry Mambugway Subla, 38 anyos, ug residente sa Prk. Matinabangun, Brgy. Mabini, Davao De Oro samtang naka-ikyas ang 2 ka kauban niini kinsa nagmaneho sa motorsiklo.
Subay sa report sa kapulisan, pagkahuman sailang nadawat nga tawag ilaha gilayong girespondehan ang gikatahong mga tawong nagpahipi sa Blk. 3, Prk. 11, Quilisadio Subd. Brgy. New Visayas ug naabtan na lamang nila nga perti nang syagit sa tag-iya sa usa ka tindahan nga si Dioscora Pahit Panto,62 anyos, tungod nga gipangawat na sa suspek ang baligya niini.
Gisulayan pa og ikyas sa mga suspetsado apan wala kini nagmalampuson human nga nahulog ang angkas nga suspek atol sa pagginukdanay tali sa kapulisan.
Nakumpiska sa suspek ang usa ka Caliber .38 handgun nga adunay upat ka bala, usa ka slingbag, usa ka kitchen knife lakip na ang gikawat nga kutsilto, ug 21 ka ream sa managlahing sigarilyo.
Nag-atubang na og tukmang kaso ang dinakpan batok kaniya.
