Timbog ang isang suspek na nagnakaw at nanloob sa isang apartment unit sa Sta Ana, Maynila, dahil sa “Find my iPhone” o GPS app na isa sa mga ninakaw nitong cellphone.
Alas-5 ng madaling araw nang makapasok ang suspek sa apartment ng tatlong biktima, kung saan sila tinutukan ng baril at kinuha ang P9,000.
Matapos siyang matunton ng mga awtoridad, positibong kinilala ng mga biktima ang suspek, at narekober sa kanya ang ginamit nitong motor, replica na baril, 3 cellphone, at iba’t ibang debit at credit cards.
Nahaharap ito sa kasong robbery, paglabag sa Comprehensive Firearms ang Ammunition Act, Resistance and Disobedience to a Person in Authority at Access Device Regulation Act.
