Idinaos sa Anao, Mexico, Pampanga ang kauna-unahang Corn Derby sa Central Luzon.
Ito ay sa pangunguna ng Department of Agriculture katuwang ang Provincial Agriculture Office ng Pampanga.
Ang programa ay isa sa mga inisyatibo ng Corn Program upang mabigyan ng pagkakataon ang mga magsasaka na makapili ng pinakamahusay na binhi ng mais na magbibigay ng masaganang ani at mataas na kita.
Ayon kay National Corn Program Consultant Dr. Candido Damo, nakasalalay sa magandang binhi ang 40% ng masaganang ani kaya dapat matiyak na dekalidad ang binhing gagamitin sa pagtatanim.//Jen Bayot-BNFM OLONGAPO
