Sumunggab ro ginamanehung motorsiklo it sangka miyembro it Philippine Army ag backrider kara sa kasubeang nanda nga truck sa national hi-way it Brgy. Libas, Banga, Aklan.
Ginkilaea ro miyembro it AFP nga si PFC Dexter Camarao 28yo ag presenteng naka assign sa 12th Infantry Batallion Philippine Army sa Camp Jizmundo Libas, Banga, Aklan, samtang ro backrider kara hay ginkilaea nga si Romelo Belloca 25yo nga taga Poblacion Tapaz, Capiz.
Ginkilaea man ro driver it truck nga si Jonel Patricio 38yo ag taga Brgy. Guinbaliwan, New Washington, Aklan.
Base sa report it Banga PNP, parehung nag-angkon ro mga biktima it head injury ag nasayuran nga sa impluwensya ro mga raya it aeak.
Padayun man nga ginabueong sa ospital ro mga biktima. / ANN DESLENE SALAZAR
