GIANGKON sa City Social Welfare and Development (CSWDO) sa GenSan nga miubos ang reported abuses sa mga bata atol sa lockdown.
Posibleng naglisod ang mga biktima kaniadto nga mosumbong sa mga otoridad.
Matud ni Jocelyn Arzaga, CSWDO division children sector dili maayong balita alang kanila ang pag-ubos sa narekord nilang pagpangabuso sa mga bata. Tungod naa gihapon naabot kanila nga mga sumbong ug dunay pipila ka nabiktima sa ‘insist’ rape ang naa karon sa ilang kostudiya.
Sama sa usa ka minor de edad nga babaye nga gikaengong gilugos sa apohan ug ang usa biktima sa ‘gang’rape. Sa datus sa CSWDO, naa sa 13 ka kaso sa lugos nga gikalambigitan sa minor de edad nga babaye ang gihuptan nila karon. Sagad sa maong mga kaso ang padayong gidungog karon sa korte sa dakbayan.
Sa datus sa Philippine Commission on Women (PCW) sa reported incident sa gender-based violence during lockdown gikan Marso 15- Abril 30,2020. Nakarekord og lima ka kaso sa pagpanglugos ang Soccsksargen region. ( Richel Gubalani)
