Gitutokan sa Panabo City Health Office ang kaso sa Dengue sa siyudad, karong tuiga posibleng mo-taas kini tungod sa three-year dengue cycle.
Subay sa talaan sa tuig 2020 natala ang 299 cases samtang sa tuig 2021 miubos kini ngadto sa 285 ka kaso.
Base sa datos sa CHO gikan sa bulan sa Enero hangtod Pebrero 21, 2022 ni-abot na sa 36 ang kaso sa dengue sa Panabo City naggikan sa mga bangaray sa New Pandan New Visayas, San Vicente, Gredu, Cagangohan, Sto. Niño, San Francisco, San Pedro, Dapco, Katipunan, JP Laurel, Tibungol, Manay, Quezon.
Nanguna ang Barangay New Pandan sa kaso sa Dengue tungod adunay kumpirmadong namatay nga usa ka lalaki nga nag edad og 24 anyos.
Tungod niini, ang Panabo CHO gipakusgan ang paghatag og mga intervention batok Dengue sa mga Barangay sama sa: oplan kulob, misting, indoor residual spraying, vertor surveillance ug pagpatuman sa 4s nga kampanya gikan sa Department of Health (DOH).
Panghimangno sa lokal na panggamhanan, nga permintihon ang paghinlo palibot sa panimalay ug dili magpundo og tubig sa mga balde nga moluntad sa pila ka adlaw.
