KORONADAL CITY- POSIBLENG umabot sa halos 29,901 ang kaso ng COVID 19 sa lalawigan ng South Cotabato sa katapusan ng Setyembre.
Ito ang inihayag ni John Lemuel Dalisay, statistician ng Integrated Provincial Health Office (IPHO) South Cotabato batay sa projected cumulative cases, oras na mababa at mahina ang communication campaigns, system at policy intervention na ipinatutupad.
Ayon kay Dalisay na bumababa ang transmission ng COVID 19 kung mas maigting at istrikto ang mga preventive measures, lockdowns at minimum health standards na ipinatutupad sa probinsya.
Samantala, mas mababa o nasa 17, 281 lamang ang projected cumulative cases sa katapusan ng Setyembre kung mas mataas ang transmission reduction.
