Nagbabala si OCTA Research fellow Dr. Guido David na maaring pumalo sa 500 ang kaso ng COVID-19 sa National Capital Region ngayong linggo.
Binigyang diin ni David, na nagtala ang NCR ng 434 na mga bagong infections noong Lunes na may one-week growth rate na 52%.
Iniulat rin ni David na ang positivity rate sa NCR ay umakyat sa 5.9% noong June 25 mula sa 3.9% noong June 18.
Sa kabila nito, tiniyak ni David na ang naturang figures ay hindi dapat na ikabahala, dahil nananatiling mababa parin ito kumpara sa nakaraang COVID-19 surges.
Mababatid na ang Metro Manila at iba pang lugar ay nananatiling nasa ilalim ng Alert Level 1 mula July 1 hanggang 15 sa gitna ng COVID-19 pandemic. //MHEL PACIA
