Nakalista ro Iloilo City Health Office (ICHO) it kabilugan nga 90 kaso it acute gastroenteritis (AGE) ku Agosto 28, 2022, kung siin, ap-at kara ro namatay.
Ro Tanza district health center sa City Proper ro nakalista it maabung kaso nga may 35, Molo nga may 18 na kaso; Sto. Rosario health center nga may 15; La Paz, 7; Mandurriao, an-um, Arevalo nga may lima ag Lapuz nga may tatlo.
Nagpatigayun eon ro City Epidemiology and Surveillance Unit (CESU) it case investigation ag active case finding ag nakipag-angutan eonman sa Tanza District Health Center angot sa isyu pangkaeawasan.
Nakipag-angutan eonman ro CHO sa CESU ag district health centers kaangot sa health event, ag nag-schedule it water sampling kaibahan ro Sanitary Inspector.
Samtang, ginpanugyan man ro pagpabukae it tubi sa sueod it daywang minutos agud mapatay ro pathogenic organisms.
Ro sintomas it acute gastroenteritis o (AGE) hay diarrhea; pagsuka, sakit it tiyan, pagsakit it kalamnan, sakit it ueo; ag low-grade fever. / ANN DESLENE SALAZAR
