Padayong gihingusgan ni Bohol Governor Aris Aumentado ang pagpatuman sa pagban sa mga karneng baboy ug ubang pork products nga gikan sa Probinsiya sa Sugbo.
Matod ni Aumentado, bisan ang mga imported pork meat nga adunay sertipikasyon gikan sa African Swine Fever (ASF)-free countries, dili gihapon tugtan nga makasulod sa Bohol ilabi na kung mo-agi sa Sugbo.
Nasayran nga ang Cebu International Port ang usa sa labing dako nga agi-anan sa mga imported meat products nga i-supply sa mga dapit sa probinsiya sa Central Visayas.
Gipasabot sa gobernador sa Bohol nga ila kining gihimo aron maprotektahan ang ilang P8 milyunes nga hog industry sa probinsya.
Ang Bohol na lang ang nagpabiling ASF-free lukop Central Visayas.//
