Dumating na sa bansa ang karagdagang mahigit 1.2 million doses ng Sinopharm at Sinovac’s COVID-19 vaccine, kaninang umaga.
Ayon kay National Taskforce Against COVID-19, ang kabuoang isang milyong biniling doses ng Sinovac at 260,800 donated Sinopharm doses ay dumating sa Ninoy Aquino International Airport.
Ang Sinopharm shipment ay bahagi ng 1 million doses na ibinigay ng Chinese government.
Una nito, kahapon nang dumating ang inisyal na 739,200 Sinopharm vaccine doses sa bansa.
Samantala, mula Miyerkules nasa mahigit 12.8 million indibidwal na sa bansa ang fully vaccinated laban sa COVID-19, gamit ang iba’t-ibang brands ng bakuna. // MHEL PACIA-TRINIDAD
