PAKUSGAN sa kapulisan ang pagdisiplina sa mga motoridad ug walay ilhon sa pagpatuman sa balaud trapiko.
Kini ang pamahayag ni Police Major Olivar Puaya, hepe sa Traffic Enforcement Unit (TEU) dungan sa pagkatala og 458 road crash incident sa unang tulo ka bulan sa kasamtangang tuig.
Matud ni Puaya, base sa ilang datus human error ang nag-unang hinungdan sa bangga nga sagad moresulta sa kamatayon.
Dunay nagmaneho nga naa sa impluwensiya sa ilimnong makabuhog samtang ang ubang paspas nga pagpadagan, bad overtaking ug turning. Butyag ni Allan Regaro, base sa obserbasyon niini ang kakulangon sa kaalam sa daghang drayber sa GenSan sa balaud trapiko ang usa sa hinungdan sa bangga.
Sagad lambigit sa bangga mao ang motorsiklo ug traysikel, 24 ka pedestrian ang nalambigit insidente. I Richel Gubalani