NAGPAHIGAYON na og closed monitoring ang kapulisan sa mga aktibidad sa mga foreign national sa GenSan ug Sarangani.
Kini dungan sa pag-ban sa nasud sa operasyon sa Philippine Offshore Gaming Operators (POGO) sa tibuok nasud.
Matud ni Police Col. Deanry Francisco, director sa Sarangani Provincial Police Office (SPPO) usa sa gimonitor nila mao ang presensiya sa gatusan ka Chinese national sa Chinese owned company sa Maasim.
Apan giangkon ni Francisco nga limitado ang ilang gahum kalabut niini lakip pa ang privacy issues.
Sa bahin ni Col. Nicomedes Olaivar Jr., director sa GenSan City Police Office (GSCPO) padayon ang ilang monitoring sa presensiya sa mga langyaw sa GenSan.
Sa GenSan ug Sarangani, pipila ka mga langyaw ang gidakop human nalambigit sa nagkadaiyang salaud partikular na ang ismagol sa sigarilyo. I Richel Gubalani
–
