GITUNOLAN ni Malungon Mayor Maria Theresa Constantino og ‘cash reward’ ang kapulisan sa Malungon MPS sa pagpanguna sa labaw nga si PLt Col. Jovenson Bayona.
Matud pa nga usa ka paghatag og pasidungog ang gihimo sa LGU-Malungon sa kapulisan human sa malampusong pag-aresto sa utok sa sunod sunod nga krimen sa lugar nga nakahatag og kabalaka sa mga residente miaging mga bulan.
Kauban sa committee on peace and order chair, Municipal Councilor Romel Retuya, Councilor Erwin Asgapo, ug MDRRMO Jessie Dela Cruz, Constantino personal gitunol ang complimentary assistance.
Una nang gipasalamatan ni Mayor Constantino ang kapulisan sa pagkaaresto sa tulo ka primary suspects nga nag-atubang og kasong Robbery with Rape.
Sa report ni Sarangani Police director, Col. Nicomedes Olaivar Jr., gibutyag ni Bayona ang tulo ka primary suspects ang naaresto subay sa warrant of arrest nga walay girekomendang pyansa.
