ANDAM na ang security plan sa kapulisan alayun sa Kapaskohan ug pagsugat sa bag-ong tuig.
Segun kang Police Col. Gilberto Tuzon, city director sa General Santos Police Office nga mihangyo na sila og augmentation sa Regional Mobile Force Batallion gawas sa suporta sa Joint Task Force GenSan ug force multipliers.
Doble matud pa ang himuong pagbantay sa kapulisan sa mga simbahan, malls ug ubang public places nga dagsaon sa mga tawo ning panahuna.
Aron masiguro nga dili malutsan sa mga gustong magsabotahe sa selebrasyon, padayun ang hugot nga checkpoint, lakip sa border ug sa kadagatan ug pagpatuman sa Oplan Iron Clad.
Takda na usab i-deploy ang mga kapulisan sa mga simbahan sa pagsugod sa Misa de Gallo sa Disyembre 16.
Photo via Joseph Jubelag
