NAGPADAYUN na ang business permit renewal sa bag-ong Sistema.
Kini ang gikumpirma ni Geraldine Zamora, head sa Business Permits and Licensing Division sa GenSan nga mokabat na sa 100 ang miaplay online sukad nga gitudloan ang mga nahisgutan pinaagi sa mga taga ICTD ug taga City Treasurer’s Office sa gipahigayong orientation.Ikaduhang hugna sa orientation sa mga negosyante ug bookkeepers nahitabo miaging adlaw.
Gitino ni Zamora bisan kung online ang pagproseso karon sa business permit subay sa mando sa DILG ug ICT, ang dili makahibalo mahimong moadto lang sa ilang buhatan aron matudloan ug nagpabilin gihapon ang traditional nga pagproseso.
Target sa City Permits nga maka-renew ang sobra 10,000 ug dugang mga negosyo nga mulukat og permit sa 1,500
Gibutyag usab niini nga naka-isyu sila og 11,600 ka applications ning tuiga apan adunay nagsirado nga mokabat sa 400 ka negosyo.
Hinuon malaumon si Zamora nga magpadayun ang pagdaghan sa mga negosyo karong nagkaubos na ang kaso sa COVID-19.
Gibutyag usab niini nga padayun ang monitoring ug inspeksyon sa City Permits sa mga negosyo sa syudad aron sayron kinsa ang mga walay business permits apan padayung ga-operate.
