HUGOT ipatuman sa kapulisan sa rehiyon-12 ang firecracker ban o susama nga devices atol sa Chrisrtmas season. Kini base isip pagsunod sa Police Regional Office (PRO) 12 sa mandu ni PNP Chief Gen. Dionardo Carlo.
Tumong masiguro ang kahapsay ug kalinaw sa rehiyon atol sa pagselebrar sa holiday season. Matud ni PBGen. Alexander Tagum, director sa PRO-12 siguradohon nilang masunod ang napatik sa Executive Order no. 28.
Kalabut sa pag-regulate, paggama ug pagbaligya og firecrackers ug uban pang Pyrotechnic Devices. Ang EO 28 ang nagbawal sa mga indibidwal sa paggamit og firecrackers o magset- up og kaugalingong fireworks displays.
Ang paggamit niini ang naandang tradisyon sa mga Pilipino atol sa mga personal events, religious, cultural ug mga national importance sama sa New Year’s Eve ug Chinese New Year.
Kalabut niini, nanawagan si Tagum sa mga residente nga likayan ang pagpalit sa mga iligal nga produkto. Gihangyo usab sa opisyal ang pakigtinabangay sa tanan ngadto sa kapulisan alang sa malinawon nga selebrasyon. I Richel Gubalani
