PADAYON ang lihok sa kapulisan sa pagpangeta kang Bamban Tarlac Mayor Alice Guo.
Kini luyo sa impormasyon nga nakagawas na kini sa Pilipinas ug tua na karon sa Malaysia.
Sa mensaheng gipadala ni Police Col. Deanry Francisco, director sa Sarangani Provincial Police Office (SPPO) duna silay mga lihok aron masuta ang gikahimutangan ni Guo.
Dungan sa hungihong nga naa ang gipangeta nga mayor sa Alabel, Sarangani Province.
Samtang sa impormasyon sa Criminal Investigation and Detection Group (CIDG) –Sarangani bag-o paman gibutyag ni Senator Risa Hontiveros nga tua na sa Malaysia si Guo.
Duna usab silay lihok sa pagpangeta sa mayor dungan sa paggula sa impormasyon nga duna kining sittings sa GenSan ug Sarangani pipila ka semana ang milabay. I Richel Gubalani
