Padayonon sa kapitolyo ang pagpamaligya og baratong NFA rice ngadto sa mga labing kabus nga sugbuanon.
Kini human nga gigahinan sila sa National Food Authority og unang 5-mil nga sako sa bugas alang sa Cebu Provincial Government.
Matud ni Gobernador Gwendolyn Garcia nga ipatuman ang pagbaligya niini subay sa bag-ong programa ni Presidente Bongbong Marcos nga 29-pesos matag kilo nga bugas.
Kung mahinumduman, gilunsad ang Sugbo Merkadong Barato niadtong Nobyembre 2023 diin gibaligya ang baratong NFA rice sa kantidad nga 20-pesos per kilo.
Sa gihapon, ang mga labing kabus kinahanglang mogamit sa QR coded cards gikan sa kapitolyo aron makapalit og hangtud 5 ka kilo nga NFA rice matag semana.
“We wish to align with the program of the President which shall be.. to sell it at Php29 per kilo. That is still way.. way below the present market prices of Php50-60 a kilo, and that is going to help the constituents a lot.” – Gwendolyn Garcia.
Gawas sa baratong bugas, gamiton usab ang gigahing NFA rice alang sa school feeding program sa Probinsya sa Sugbo.
Usa kini sa mga gipangtuki nilang Gobernador Garcia ug NFA Acting Administrator Larry del Rosario atol sa ilang panagkita niadtong Abril 30, 2024.//
