LEGAZPI CITY – Pigsiyerto kan Daraga Municipal Disaster Risk Reduction and Management Office (MDRRMO) na regular na papalitan an mga water filtration system sa ibinugtak na mga water tank.
Segun kay MDRRMO head Bhim Dineros, igwang inalokar na pondo an lokal na gobyerno partikular na sa maintenance nganing masiyertong malinig an tubig na makukua kan mga residente.
Magigirumduman na nagbugtak nin mga water tank sa banwaan makalihis makaeksperyensya nin kakulangan sa supply nin tubig nin huli sa tag-init.
