Malampuson nga nakompiska sa mga personahe sa Sta. Ana Police Station atol sa gikasang joint drug buy bust operation ang kapin P4Million.
Positibong napalitan sa nagpaka aron ingnon nga buyer nga pulis og P100, 000 kantidad sa iligal nga droga ang mga suspek nga nailang sila Ariel Cabeza Virtudazo alyas Aying, 30 anyos, ulitawo, usa ka Merchandiser ug residente sa Tahimik Ave. Balusong Ext., Brgy. 74-A, Davao City , samtang ang subject person sa operasyon nga ai Mark Joseph Barcenilla Lucena alyas Mark, 31, ulitawo, ug residente sa Blk 9, Lot 22, Phase 3, Skyline Village, Catalunan Grande, ang nakasibat human nakamatikod nga pulis ang iyang gikatransaksiyon.
Nakompiska sa kapulisan gikan sa pink nga bag ni Alyas Aying ang siyam (9) ka pakete sa gituohang shabu, samtang nakuha sab sa sling bag nga iya ni Alyas Mark ang daghanang pakete sa shabu.
Kinatibuk-an, mutimbang sa kapin kon kulang 255.87 grams nga gibana banaan nga dunay street value nga Php 4,093,920.00.
Kasamtangan, gikustpdiya na sa Sta. Ana Police Station ang suspek ug gihikay na ang kasong iyang atubangon maykalabotan sa iligal nga droga.
