PATAY ng nahidangat sa ospital ang usa sa duha ka uitawo nga nalumos samtang naligo sa usa ka beach resort sa Bago Aplaya ning syudad kagahapon sa hapon.
Usa sa biktima giilang si Harvey Prince Momo, 13-anyos nga residente sa Mega Homes Subd., Bago Aplaya, nakit-an sa mga sakop sa Central 911 pasado alas tres sa hapon.
Gisuwayan pa sa mga rescuer nga mahatagan og first aid ang biktima una gidala sa Adventist Hospital apan wala na kini maluwas tungod kay pila ka oras una nakita ang iyang lawas sa dagat.
Samtang ang laing biktima nga giilang si Jhon Alfred Amalias, 19 anyos, higala sa namatay, padayon pang gipangita sa mga otoridad.
Giingong posibleng nadala sa lawom nga bahin ang duha tungod sa kusog nga mga hapak sa balod.
