Kapin P300,000 kantidad sa ilegal nga droga ang nakumpiska sa mga sakop sa Los Amigos Police Station atol sa gilusad nga drug buy bust operation sa Purok 8, Brgy. Los Amigos, Tugbok District, ning syudad sa Davao.
Napalitan sa poseur buyer og gituohang shabu ang suspek nga nailang si alyas Jake, 40 anyos, walay trabaho ug nanimuyo sa Coloma Boarding House nga nahimutang sa nasangpit nga lugar.
Nakumpiska gikan sa suspek ang pouch, personal nga kwarta niini, buy bust money ug gituohang shabu nga gibana-banaan nga dunay SDP nga Php. 320,000.00.
Tingkagol na sa prisohan ang dinakpan samtang gikatakdang pasakahan og kasong kalapasan sa RA 9165 kon Comprehensive Dangerous Drugs Act of 2002.
