Mokabat sa P7.1 million nga kantidad sa mga nakumpiskang mga droga ug drug paraphernalia ang gidauban kagahapong adlawa sa Balay Silangan sa Sitio Magay, Barangay Don Martin Marundan sa Mati City.
Anaa sa P5.4 million ang total nga kantidad sa shabu samtang P1.7 ang kantidad sa marijuana nga gisunog. Ang maong mga drug evidence gikan sa nagkalain laing probinysa sa tibuok rehiyon, lakip na ang gikan sa Davao City.
Ang maong Destruction of Dangerous Drugs and Drugs Paraphernalia gipahigayon aron masiguro ug ipakita sa publiko ang transparency sa gobyerno nga nagatinguha nga dili ma-recycle ang maong mga droga.
Gipangunahan ang pagsunog sa mga droga sa Philippine Drug Enforcement Agency (PDEA) nga gipanguluhan ni Regional Director Aileen Lovitos.
Gitambongan usab sa mga lokal nga opisyal sa probinsya sa Davao Oriental,
Mga personahe sa PDEA, Philippine National Police (PNP) ug uban pang Law Enforcement Agencies. BNFM-DAVAO
